NEQSOL Academy collaborates with Infosec IQ to elevate cybersecurity awareness of the holding's employees

NEQSOL Akademiyası kibertəhlükəsizlik üzrə aparıcı təhsil və maarifləndirmə həllərinin təminatçısı olan Infosec IQ ilə strateji tərəfdaşlıq elan edir. Bu əməkdaşlıq NEQSOL Holdinqin işçi qüvvəsinin kibertəhlükəsizlik təhdidləri və qabaqcıl təcrübələr haqqında məlumatlılığını artırmaqla onların kibertəhlükəsizlik sahəsində hazırlığını gücləndirmək məqsədi daşıyır.

Bu strateji tərəfdaşlığın bir hissəsi kimi, Infosec IQ şifrə təhlükəsizliyinin artırılması və həssas məlumatların qorunması da daxil olmaqla, kibertəhlükəsizlik məlumatlılığı üzrə kritik mövzuları əhatə edən təlim proqramları təqdim edəcək. Bu təşəbbüs sayəsində işçilər kibertəhlükəsizlik təhdidlərini effektiv şəkildə müəyyən etmək və onlara cavab vermək üçün lazımi bilik və bacarıqlara yiyələnəcəklər.

"Bugünkü müasir rəqəmsal mənzərədə kibertəhlükəsizlik əsas prioritet sayılır. Bu, daim inkişaf edən və getdikcə mürəkkəbləşən bir sahədir və bütün dünyada təşkilatlar üçün əhəmiyyətli risklər yaradır. Müxtəlif sahələrdə müxtəlif biznes maraqlarına malik qlobal təşkilat olaraq, rəqəmsal aktivlərimizi qorumaq və əməliyyatlarımızı təmin etmək NEQSOL Holdinq üçün böyük əhəmiyyət kəsb edir. Bu, bizim təşkilatın kibertəhlükəsizlik sahəsində dayanıqlılığının artırılmasında mühüm mərhələni təmsil edir,” NEQSOL Holdinq Azərbaycan ofisinin rəhbəri İmran Əhmədzadə bildirib.

Infosec IQ və onların kibertəhlükəsizlik məlumatlandırma həlləri haqqında əlavə məlumat üçün https://securityiq.infosecinstitute.com/ saytına daxil olun.

NEQSOL Holdinq enerji, telekommunikasiya, yüksək texnologiyalar və tikinti sahələrində ondan çox ölkədə fəaliyyət göstərən çoxşaxəli şirkətlər qrupudur.