NEQSOL Holding Launches Global Talent Management Program, L.E.A.P., for Exceptional Employees

NEQSOL Holdinq istedadlı kadrların idarə edilməsi üzrə eksklüziv qlobal təşəbbüs olan Liderlik Mükəmməlliyi və Sürətləndirmə Proqramına (L.E.A.P.) başlamışdır. Yeni coğrafiyaları və biznes sahələrini hədəfə alan L.E.A.P. proqramı Holdinqin daha da böyüməsini təmin edəcək yüksək ixtisaslı kadr bazası yaratmaq məqsədi daşıyır.

L.E.A.P. dünyanın ən yüksək reytinqli universitetləri, biznes məktəbləri və peşəkar xidmət şirkətləri ilə əməkdaşlıq sayəsində fərdi və qrup ehtiyaclarına uyğunlaşdırılmış unikal inkişaf proqramıdır. Rəhbər şəxslərin təhsili, idarəetmə təlimi və tədqiqat sahəsində təcrübəsi ilə tanınan məşhur Avropa biznes məktəbi SDA Bocconi proqramın strateji təhsil tərəfdaşıdır.

SDA Bocconi İdarəetmə Məktəbi ilə əməkdaşlıqdan başqa, L.E.A.P. aparıcı kouçinq provayderi olan SparkUs və idarəetmə və biznes sahəsində mötəbər akademik jurnal və vebsayt olan MIT Sloan Management Review ilə əməkdaşlıqlar qurmuşdur.

L.E.A.P proqramı müddətində 60 iştirakçı fərdi kouçinq və mentorluq, istedadlı kadrların inkişafı, rotasiya və liderliyin inkişafı da daxil olmaqla, Bakı və Milanda bir sıra geniş inkişaf proqramlarında iştirak edəcəklər.

Mötəbər SDA Bocconi İdarəetmə Məktəbinin rəhbərlik etdiyi İstedadlı kadrların inkişafı Proqramı bir il davam edəcək və iştirakçılara bacarıqlarını, biliklərini və liderlik qabiliyyətlərini artırmaq üçün kifayət qədər vaxt veriləcək.

L.E.A.P. çərçivəsində inkişaf proqramlarının başlanması üçün NEQSOL Holdinq təşkilatdan seçilən iştirakçıları bir araya gətirən açılış tədbirinə ev sahibliyi etdi. Bu tədbir işçilərə L.E.A.P. proqramının strukturu və məqsədləri haqqında anlayışlar əldə etmək, şəbəkələşməni gücləndirmək və iştirakçılar arasında əməkdaşlığı təşviq etmək üçün əvəzolunmaz imkan yaratdı.

NEQSOL Holdinq enerji, telekommunikasiya, yüksək texnologiyalar və tikinti kimi sahələrdə doqquz ölkədə fəaliyyət göstərən çoxşaxəli şirkətlər qrupudur.