NEQSOL Holding, with Education Development Fund, hosts special event for PARLA scholarship recipients
NEQSOL Holdinq Təhsilin İnkişafı Fondu ilə birlikdə, “Parla” təqaüd və inkişaf proqramı vasitəsilə universitet tələbəsi olan qızlara dəstəyini davam etdirir. Bu tədris ilində 50 tələbə qızdan ibarət yeni qrup seçilib və benefisiarların ümumi sayı 100-ə çatıb.
Xüsusi tədbir zamanı yeni seçilmiş tələbələr NEQSOL Holdinq və Təhsilin İnkişafı Fondunun nümayəndələri, eləcə də ötən ilin məzunları ilə görüşmək imkanı əldə ediblər. Toplantı həm təşkilatların, həm də proqramın məzunlarının fikirlərini öyrənmək, həmçinin proqram vasitəsilə təklif olunan imkanlar haqqında daha çox məlumat əldə etmək üçün stimullaşdırıcı platforma rolunu oynadı.
Təqaüd qazanmış 50 tələbədən ibarət ən son qrup 791 ərizəçi arasından seçildi. Keçən il müraciət edənlərin sayı 674-dən çox olmuşdu. 120 namizəddən ibarət qısa siyahı tərtib edildi və onlar yekun seçimdən əvvəl müsahibədən keçdilər. Ötən ildə olduğu kimi, seçim meyarları akademik uğur və namizədlərin sosial-iqtisadi vəziyyətinə əsaslanıb.
Benefisiarlar məzun olana qədər aylıq maliyyə yardımı alacaq və ingilis dili dərsləri, IELTS hazırlığı və imtahan, təcrübə, mentorluq, master-klaslar və NEQSOL Akademiyası vasitəsilə ən yaxşı qlobal universitetlərin onlayn proqramlarına və LinkedIn Öyrənmə alətlərinə çıxış daxil olmaqla, NEQSOL Holdinq tərəfindən təqdim olunan bir sıra imkanlardan yararlana biləcəklər.
"Təhsil və insan kapitalının inkişafı NEQSOL Holdinq-də korporativ sosial məsuliyyət strategiyamızın əsas prioritetlərindəndir. Parla proqramı vasitəsilə biz gənc istedadları yeni bilik, bacarıq və imkanlarla təchiz edirik. Təhsilə sərmayə qoymaq davamlı inkişafa təkan verir, innovasiyaları təşviq edir və daha inklüziv cəmiyyət yaradır", - NEQOL Holdinqin baş direktoru Yusif Cabbarov bildirib.
Təhsilin İnkişafı Fondunun İdarə Heyətinin sədri Elnur Nəsibov bildirib: "Parla proqramı özəl və dövlət sektorları arasında güclü əməkdaşlıq vasitəsilə nələrə nail oluna biləcəyinin sübutudur. O, tələbə qızların peşə sahəsində uğur qazanması və cəmiyyətin inkişafına töhfə verməsi üçün yeni bacarıqlarla təchiz edilməsi və özünə inam qazanması məqsədinə xidmət edir ".
"Biz inanırıq ki, təhsil həyatı dəyişdirmək və təsir yaratmaq gücünə malikdir. Parla proqramı tələbə qızların tam potensialının reallaşdırılmasına imkan verir. Məqsədimiz onların parlaq liderliyinə nail olmaqdan və başqalarını ruhlandırmaqdan ibarətdir. Biz təhsilə və inklüzivliyə sərmayə qoymaqla bütün cəmiyyət üçün daha parlaq gələcəyə töhfə vermək istəyirik", - NEQSOL Holdinq Azərbaycan rəhbəri İmran Əhmədzadə bildirib.
NEQSOL Holdinq istedadlı tələbə qızların dəstəklənməsinin vacibliyini dərk edərək, Parla proqramını davam etdirmək və genişləndirmək niyyətindədir.
NEQSOL Holdinq telekommunikasiya, enerji, tikinti və yüksək texnologiyalar kimi sahələrdə 11 ölkədə fəaliyyət göstərən beynəlxalq şirkətlər qrupudur.
