İsrail Əsəliyev müxtəlif biznes sektorlarında müxtəlif rəhbər vəzifələrdə 20 ilə yaxın təcrübəyə malikdir. O, biznesin inkişafı, strateji inkişaf, böhranların idarə edilməsi, maliyyə dayanıqlığı, satış və digər əlaqəli sahələrdə təcrübəli mütəxəssisdir.

Cənab Əsəliyev 2018-ci ildən NEQSOL Holdinqdə Tikinti Sənayesi üzrə Rəhbər vəzifəsində çalışır və bu seqmentdə strategiyanın müəyyən edilməsinə və icrasına rəhbərlik edir. O, həmçinin holdinqdə sənaye biznesini genişləndirmək üçün layihələrə rəhbərlik edir.

Cənab Əsəliyev həm də Cənubi Qafqazın ən böyük sement istehsalçısı olan Norm şirkətinin Direktorlar Şurasının üzvüdür.

NEQSOL Holdinqin idarə heyətinə qoşulmazdan əvvəl o, tikinti materialları istehsalı, mədən, tekstil və kimya sahələrində fəaliyyət göstərən Gilan Sənaye Qrupunun baş direktorunun müavini vəzifəsində çalışıb. O, həmçinin Mingəçevir Sənaye Parkının sıfırdan iki istismar zavoduna qədər inkişafı layihəsinə rəhbərlik edib.

O, həmçinin Azərbaycanda fəaliyyət göstərən Synergy Group-un ən böyük istehsal şirkəti olan AAC İnşaat Materialları zavodunun baş direktoru vəzifəsini tutub.

Cənab Əsəliyev 2003-2011-ci illərdə menecment və İT konsaltinq, beynəlxalq texniki yardım sahələrində çalışıb. Almaniya, Belçika və ABŞ şirkət və təşkilatlarında ekspert və yüksək rəhbər vəzifələrdə çalışıb.

2005-ci ildən Azərbaycanda informasiya texnologiyaları sahəsində ilk peşəkar mükafat olan NETTY Akademiya Mükafatının üzvüdür.

Cənab Əsəliyev Azərbaycan Dövlət Neft və Sənaye Universitetini müvəffəqiyyətlə bitirmişdir. O, Azərbaycanda ilk PMI sertifikatlı Layihə İdarəetmə Peşəkarlarından biridir.